قُلۡ اَرَءَیۡتُمۡ اِنۡ کَانَ مِنۡ عِنۡدِ اللّٰہِ ثُمَّ کَفَرۡتُمۡ بِہٖ مَنۡ اَضَلُّ مِمَّنۡ ہُوَ فِیۡ شِقَاقٍۭ بَعِیۡدٍ﴿۵۲﴾

۵۲۔ کہدیجئے: مجھے بتاؤ کہ اگر (یہ قرآن) اللہ کی طرف سے ہو، پھر تم اس سے انکار کرو تو اس شخص سے بڑھ کر گمراہ اور کون ہو گا جو اس (کی مخالفت) میں دور تک نکل گیا ہو؟

تشریح کلمات

اَرَءَیۡتُمۡ:

( ر ء ی ) یہ ترکیب اخبرونی کے معنوں میں آتی ہے۔

تفسیر آیات

۱۔ قُلۡ اَرَءَیۡتُمۡ: کہدیجیے: یہ تو بتاؤ! اس وقت تم قرآن کے اللہ کی طرف سے ہونے کے منکر ہو۔ بالفرض اگر یہ اللہ کی طرف سے ہو پھر تم انکارکر رہے ہو تو تم سے زیادہ گمراہ کون ہو سکتا ہے؟