وَ جُنُوۡدُ اِبۡلِیۡسَ اَجۡمَعُوۡنَ ﴿ؕ۹۵﴾

۹۵۔ اور سارے ابلیسی لشکر سمیت۔

قَالُوۡا وَ ہُمۡ فِیۡہَا یَخۡتَصِمُوۡنَ ﴿ۙ۹۶﴾

۹۶ ۔ اور وہ اس میں جھگڑتے ہوئے کہیں گے:

96۔ جھگڑا اور خصومت ناکامی کا لازمی نتیجہ ہے چنانچہ جہنم والوں کے باہمی جھگڑوں کو ایک ضرب المثل کے طور پر بیان فرماتا ہے: تَخَاصُمُ اَہۡلِ النَّارِ جبکہ ادھر جنت والے آپس میں سلام سلام کہ رہے ہوں گے۔

تَاللّٰہِ اِنۡ کُنَّا لَفِیۡ ضَلٰلٍ مُّبِیۡنٍ ﴿ۙ۹۷﴾

۹۷۔ قسم بخدا! ہم تو صریح گمراہی میں تھے۔

اِذۡ نُسَوِّیۡکُمۡ بِرَبِّ الۡعٰلَمِیۡنَ﴿۹۸﴾

۹۸۔ جب ہم تمہیں رب العالمین کے برابر درجہ دیتے تھے۔

98۔ قیامت کے دن ان پر یہ راز کھلے گا۔ تدبیر کائنات میں کسی غیر اللہ کو رب العالمین کا مقام دینا صریح گمراہی تھی۔

وَ مَاۤ اَضَلَّنَاۤ اِلَّا الۡمُجۡرِمُوۡنَ﴿۹۹﴾

۹۹۔ اور ہمیں تو ان مجرموں نے گمراہ کیا ہے۔

فَمَا لَنَا مِنۡ شَافِعِیۡنَ﴿۱۰۰﴾ۙ

۱۰۰۔ (آج) ہمارے لیے نہ تو کوئی شفاعت کرنے والا ہے،

وَ لَا صَدِیۡقٍ حَمِیۡمٍ﴿۱۰۱﴾

۱۰۱۔ اور نہ کوئی سچا دوست ہے۔

فَلَوۡ اَنَّ لَنَا کَرَّۃً فَنَکُوۡنَ مِنَ الۡمُؤۡمِنِیۡنَ﴿۱۰۲﴾

۱۰۲۔ کاش! ہمیں ایک مرتبہ پھر پلٹنے کا موقع مل جاتا تو ہم مومنین میں سے ہوتے۔

102۔ حدیث میں آیا ہے کہ الناس نیام فاذا ماتوا انتبھوا (بحار الانوار 4: 43) لوگ خواب غفلت میں پڑے ہوتے ہیں، جب مر جاتے ہیں تو بیدار ہوتے ہیں۔ دوسرے لفظوں میں آنکھیں بند ہونے پر آنکھیں کھلتی ہیں۔ تب آرزو کریں گے کہ ایک مرتبہ پھر موقع مل جائے تو ہم مومن بن جائیں۔

اِنَّ فِیۡ ذٰلِکَ لَاٰیَۃً ؕ وَ مَا کَانَ اَکۡثَرُہُمۡ مُّؤۡمِنِیۡنَ﴿۱۰۳﴾

۱۰۳۔ یقینا اس میں ایک نشانی ہے لیکن ان میں اکثر ایمان نہیں لاتے۔

وَ اِنَّ رَبَّکَ لَہُوَ الۡعَزِیۡزُ الرَّحِیۡمُ﴿۱۰۴﴾٪

۱۰۴۔ اور یقینا آپ کا رب ہی غالب آنے والا، رحم کرنے والا ہے۔