وَ اِذَا رَاَ الَّذِیۡنَ ظَلَمُوا الۡعَذَابَ فَلَا یُخَفَّفُ عَنۡہُمۡ وَ لَا ہُمۡ یُنۡظَرُوۡنَ﴿۸۵﴾

۸۵۔ اور جب ظالم لوگ عذاب کو دیکھ لیں گے تو نہ ان کے عذاب میں تخفیف ہو گی اور نہ ہی انہیں مہلت دی جائے گی۔

تفسیر آیات

مشاہدہ عذاب کا مرحلہ آنے سے پہلے، دنیا میں تو اس بات کے لیے گنجائش ہے کہ عذاب میں تخفیف ہو یا مہلت مل جائے لیکن جب اللہ کا فیصلہ نافذ ہو چکا ہو گا اور عذاب کے مشاہدہ کی نوبت آ گئی ہو گی تو پھر تخفیف ہو سکتی ہے نہ ہی مہلت مل سکتی ہے۔ اسی سورہ کی آیت ۲۹ میں اس بات کا ذکر آ گیا کہ مشاہدہ عذاب کا مرحلہ جان کنی کے وقت آ جاتا ہے۔

اہم نکات

۱۔ مشاہدہ عذاب تک تخفیف و مہلت کی گنجائش ہے۔