26۔ علم غیب ذاتی طور پر صرف اور صرف اللہ تعالیٰ جانتا ہے۔ اس آیت میں فرمایا: البتہ رسولوں میں سے جسے ہم برگزیدہ کرتے ہیں، اس پر غیب کا اظہار کرتے ہیں۔ رسولوں میں انسان اور ملائکہ دونوں شامل ہو جاتے ہیں۔ لہٰذا برگزیدہ رسول کے پاس بھی علم غیب آ سکتا ہے، مگر یہ اس رسول کا ذاتی علم نہ ہو گا بلکہ اللہ کی طرف سے تعلیم شدہ علم ہو گا۔ تیسرے درجے پر اولیائے کرام ہوں گے جو رسول ﷺ سے براہ راست تعلیم لیتے ہیں۔

بصائر الدرجات ص 293 میں آیا ہے: لا یُعَلِّمُ اللہ محمداً علماً اِلا و امرہ ان یعلّم علیا ۔ اللہ تعالیٰ نے محمد ﷺ کو کوئی تعلیم نہیں دی مگر یہ کہ حکم دیا کہ یہ علی کو سکھائیں۔ شرجیل نے رسول اللہ ﷺ سے بھی اس قسم کی حدیث بیان کی ہے۔