لِیَجۡزِیَہُمُ اللّٰہُ اَحۡسَنَ مَا عَمِلُوۡا وَ یَزِیۡدَہُمۡ مِّنۡ فَضۡلِہٖ ؕ وَ اللّٰہُ یَرۡزُقُ مَنۡ یَّشَآءُ بِغَیۡرِ حِسَابٍ ﴿۳۸﴾
۳۸۔ تاکہ اللہ انہیں ان کے بہترین اعمال کی جزا دے اور اپنے فضل سے انہیں مزید بھی عطا کرے اور اللہ جسے چاہتا ہے بے حساب دے دیتا ہے۔
38۔ بہترین اعمال یعنی نیکیوں کی جزا دس گنا ہے۔ وَ یَزِیۡدَہُمۡ مِّنۡ فَضۡلِہٖ ، اللہ اپنے فضل سے مزید بھی عطا کرے گا۔ یعنی دس گنا سے بھی مزید، استحقاق کی بنیاد پر نہیں، اللہ تعالیٰ کی طرف سے تفضل کی بنیاد پر۔ اس تفضل کی کسی حد بندی کا ذکر نہیں ہے، بلکہ یہ تفضل بغیر حساب ہو گا، یعنی بے پایاں ہو گا۔