الَّذِیۡنَ اتَّخَذُوۡا دِیۡنَہُمۡ لَہۡوًا وَّ لَعِبًا وَّ غَرَّتۡہُمُ الۡحَیٰوۃُ الدُّنۡیَا ۚ فَالۡیَوۡمَ نَنۡسٰہُمۡ کَمَا نَسُوۡا لِقَآءَ یَوۡمِہِمۡ ہٰذَا ۙ وَ مَا کَانُوۡا بِاٰیٰتِنَا یَجۡحَدُوۡنَ﴿۵۱﴾
۵۱۔ جنہوں نے اپنے دین کو کھیل اور تماشا بنا دیا تھا اور دنیا کی زندگی نے انہیں دھوکے میں ڈالا تھا، پس آج ہم انہیں اسی طرح بھلا دیں گے جس طرح وہ اس دن کے آنے کو بھولے ہوئے تھے اور ہماری آیات کا انکار کیا کرتے تھے۔
51۔اس آیت میں کافروں کے لیے جنت کی نعمتوں کے حرام ہونے کے چند اسباب کا ذکر ہے: ٭ان کا دین کو کھیل اور بے مقصد و لغو کاموں کی طرح بنا لینا۔ ٭ اپنی ساری توجہ دنیا کی چند روزہ زندگی پر مرکوز کر لینا۔ ٭ اپنے ذہنوں میں درگاہ الہی میں حاضر ہونے کا خیال تک نہ لانا۔ ٭آیات الہی کا تمسخر اڑانا اور ان کا انکار کرنا۔