رَبَّنَا وَ اٰتِنَا مَا وَعَدۡتَّنَا عَلٰی رُسُلِکَ وَ لَا تُخۡزِنَا یَوۡمَ الۡقِیٰمَۃِ ؕ اِنَّکَ لَا تُخۡلِفُ الۡمِیۡعَادَ﴿۱۹۴﴾
۱۹۴۔ ہمارے رب! تو نے اپنے رسولوں کی معرفت ہم سے جو وعدہ کیا ہے وہ ہمیں عطا کر اور قیامت کے دن ہمیں رسوا نہ کرنا، بے شک تو وعدہ خلافی نہیں کرتا۔
194۔ مومن کے لیے حکم ہے کہ وہ بیم و امید یعنی خوف و رجاء کے درمیان رہے، نہ جاہلوں کی طرح جنت کو اپنی ملکیت سمجھے نہ کافروں کی طرح رحمت خدا سے مایوس ہو۔ مومن کے اپنے گناہوں سے اللہ کی پناہ میں آنے کے بعد اس کے لیے امید و رجاء کی منزل آ جاتی ہے۔ اللہ نے اپنے رسولوں کے ذریعے جو وعدﮤ نجات دے رکھا ہے، اس کی امید کے ساتھ اللہ کی بارگاہ میں جاتے ہیں۔