58۔ چالیس سال کی سزا کاٹنے کے بعد جب انہیں ارض مقدس میں داخل ہونے کا حکم ملا تو ان سے صرف یہ کہا گیا کہ داخل ہوتے وقت اپنے گناہوں سے توبہ کرنا اور حِطَّۃٌ ”گناہ بخش دے“ کہنا لیکن انہوں نے اس حکم کا مذاق اڑایا اور حنطۃ گیہوں کہ دیا۔ الۡبَابَ سے مراد ممکن ہے کہ بیت المقدس کا وہ دروازہ ہو جسے آج بھی باب حطۃ کہا جاتا ہے۔ حضرت امام محمد باقر علیہ السلام سے منقول ہے: نحن باب حطتکم ۔ ”ہم تمہارے لیے باب حطۃ ہیں“ ۔(بحار الانوار 13: 168)