89۔ قیامت کے دن صرف اس قلب کی قدر ہو گی جس میں غیر اللہ کا شائبہ نہ ہو، جو ہر قسم کے شرک و ہوس پرستی سے محفوظ ہو۔ حضرت امام جعفر صادق علیہ السلام سے روایت ہے: ھَوَ الْقَلْبُ الَّذِی سَلِمَ مِنْ حُبِّ الدُّنْیَا ۔ (مستدرک الوسائل 12: 40) قلب سلیم وہ دل ہے جو حب دنیا سے سالم ہو۔

دوسری روایت میں آیا ہے: ۔۔۔الَّذِی یلْقَی رَبَّہُ وَ لَیْسَ فِیہَ اَحَدٌ سِوَاہُ ۔ (بحار الانوار 67: 239) اپنے رب سے ملاقات کرے تو اس کے دل میں رَبْ کے سوا کوئی نہ ہو۔