67۔ 68 سورہ اعراف آیت 78 میں اس واقعہ کا ذکر ہو چکا ہے،اس فرق کے ساتھ کہ وہاں الرجفۃ زلزلے کا لفظ آیا ہے اور یہاں الصیحۃ ہولناک آواز وارد ہوا ہے۔ ان دونوں میں کوئی منافات نہیں ہے کیونکہ زلزلے کے ساتھ ہولناک گڑگڑاہٹ عموماً ہوا کرتی ہے۔

واضح رہے کہ حضرت صالح علیہ السلام کی اونٹنی کو ایک آدمی نے مارا تھا اور عذاب سب پر اس لیے آیا کہ سب اس بات پر راضی تھے۔ اسلامی تعلیمات میں جرم و نیکی پر راضی ہونا اس میں شریک ہونے کے برابر ہے۔